**Al Hadath: Иранның сот билігінің басшысы Голямхосейн Мохсени-Эджеидің көзі жойылды! **Иран билігі тарапынан әзірге ресми растау болған жоқ. Мохсени-Эджеи елдің сот жүйесіндегі негізгі тұлғалардың бірі саналатын және саяси істер бойынша қатал үкімдер шығаруымен танымал болатын.
СОҒЫСАТЫН - ТРАМП. ТӨЛЕЙТІН - АРАБТАР… 28 ақпанда басталған АҚШ-Израиль-Иран үштігі арасындағы соғыс әлі жалғасып жатқаны белгілі. Ол жуырда тоқтай қоюы да екіталай. Тіпті, Харк үшін шайқасқа ұласуы да әне-міне деп отыр… Ал бүгін Ақ үйдің баспасөз хатшысы Кэролайн Ливитт бүйдеді: - Дональд Трамп Иранға қарсы әскери операцияны әрі қарай жалғастыру үшін АҚШ-тың шығындарын Араб елдеріне өтету идеясын талқылап жатыр, - деді. Оның сөзінше, Трамп бұл туралы түпкілікті шешім әлі қабылдамаған, бірақ мұндай идея бар және бұл ұсыныс Трамптың қызығушылығын тудырып отыр. Саудияда Бен Салман деген мықты бар. Тақ мұрагері. Сол Бен Салман қояр да қоймай, Трампты Иранға қарсы соғысты жалғастыруға итермелеп отыр екен. The New York Times солай деп жазады. Сауд Арабиясының мұрагер ханзадасы Бен Салман АҚШ президенті Трамптан Иранға қарсы соғысты жалғастыруды талап етуде. Ол Америка мен Израильдің әскери операциясын Таяу Шығысты қайта түлетудің “тарихи мүмкіндігі” деп санайды-мыс. The New York Times басылымы жазғандай, Бен Салман Иранды Парсы шығанағы елдеріне төнген “қауіп” деп атап, бұл мәселені тек билікті құлату арқылы шешуге болатынын алға тартқан. Осыған дейін: Оман ақпараттық құралдары Трамп Парсы шығанағы елдеріне Иранмен соғысты жалғастыру үшін шот ұсынғанын жазған... Нақтырақ айтсақ, Трамп Парсы шығанағы елдеріне екі түрлі шот ұсынған. Бірі - Иранмен соғысты жалғастырудың құны (5 трлн доллар). Екіншісі ұрысты тоқтатудың құны (2,5 трлн доллар). Ал The Washington Post гәзкті: “Пентагон Конгресстен Ирандағы операцияны жалғастыру үшін 200 миллиард доллардан астам қаражат сұрады”, - деп хабарлаған. Қаражаттың бір бөлігі таусылып жатқан маңызды қару-жарақ өндірісін шұғыл арттыруға бағытталуы тиіс.
Иран Украинаны «АҚШ пен Израильдің Тегеранға қарсы агрессиясына қатысушы» деп санайды! Украинаның дронға қарсы іс-қимыл жөніндегі сарапшыларын араб елдеріне жіберуіне байланысты, Иран бұл елді «АҚШ пен Израильдің Тегеранға қарсы агрессиясына қатысушы» деп есептейді. Бұл туралы Иранның БҰҰ жанындағы тұрақты өкілі Иравани БҰҰ Бас хатшысы Гутерришке және Ұйымның Қауіпсіздік Кеңесіне жолдаған хатында мәлімдеді.
Иранмен арадағы соғыс шығынын одақтастар өтей ме? Дональд Трамп араб елдерін Иранға қарсы ықтимал әскери операция үшін АҚШ-тың шығындарын өтеуге мәжбүрлеу идеясын қарастырып жатыр. Бұл туралы Ақ үйдің спикері Кэролайн Ливитт мәлімдеді. Оның айтуынша, президент мұндай нұсқаға «үлкен қызығушылық танытып отыр». Сонымен қатар, ол бұл тақырыптың әлі ресми түрде бекітілмегенін, бірақ Трампта мұндай идеяның бар екенін және бұл туралы әлі де айтылатынын ашық түсіндірді.
АҚШ Мемлекеттік хатшысы Марко Рубио: Иранға Ормуз бұғазын бақылауға ешқашан жол берілмейді! «Олар Ормуз бұғазын бақылауға аламыз деп қоқан-лоққы жасауда. Бұған жол берілмейді», — деп мәлімдеді ол.
Иран Ядролық қаруды таратпау туралы шарттан шығу мүмкіндігін қарастырып жатыр! Бұл туралы Ислам Республикасы Сыртқы істер министрлігінің ресми өкілі Эсмаил Багаи мәлімдеді.
Украина барлауы: Ресей өз армиясына 15 мыңға жуық кубалықты тартты! Украина Қорғаныс министрлігі Бас барлау басқармасының (ГРУ) өкілі Андрей Черняк Ресей армиясымен келісімшартқа отырған 1 мыңнан астам Куба азаматының аты-жөні расталғанын, бірақ нақты сан бұдан әлдеқайда жоғары екенін айтты. «Жалпы бұл көрсеткіш шамамен 10, 12, 15 мың төңірегінде болуы мүмкін. Бұл — не алдау арқылы, не басқа да жолдармен келісімшартқа отыруға мәжбүр болған адамдардың азғантай бөлігі», — деп хабарлады ол. Сонымен қатар, Украина кубалық жалдамалыларды ұрыс даласына әсер ете алатын қандай да бір бөлек әскери күш ретінде қарастырмайды, деп толықтырды Черняк.
Зеленский: Украина араб елдерімен теңіз дрондарын жеткізу туралы келісімге келді! «Бізде тек эшелондалған әуе шабуылына қарсы қорғаныс жүйесінің сараптамасы ғана емес, сонымен қатар теңіз дрондарының көмегімен теңіз сауда жолдарын бұғаттаудан босату тәжірибесі де бар. Олар бұл бағытта біздің тәжірибемізге сенім арта алатынын біледі», — деп мәлімдеді Владимир Зеленский.
Мұнай нарығы созылмалы соғысқа дайындалуда... Әлемдік нарықта Brent маркалы мұнай бағасы 2,3%-ға өсіп, $115 психологиялық межесінен асты. Жыл басынан бері эталондық сұрып бағасы рекордтық 90%-ға қымбаттады, оның ішінде тек наурыз айының өзінде котировкалар 50%-дан астамға секірді, деп жазады Bloomberg. Brent маркалы мұнай фьючерстері 2,74%-ға көтеріліп, барреліне $115,66 құрады. Американдық West Texas Intermediate (WTI) мұнайының бағасы $102,56 деңгейінде қалыптасты, бұл алдыңғы сауда сессиясымен салыстырғанда 2,93%-ға жоғары.
АҚШ рұқөсат беріп, Ресейлік «Анатолий Колодкин» танкері Кубаға жүзіп жетті. Бұл туралы РФ Көлік министрлігі хабарлады. Кеме Кубаға шамамен 100 мың тонна мұнай жеткізген. Ресей бұл жүкті «гуманитарлық көмек» деп атап отыр.
‼Орталық Азия елдері (Қазақстан, Өзбекстан және т.б.) бүгінде жаһандық геосаяси «дауылдың» дәл ортасында отыр. Украинадағы соғыс пен Таяу Шығыстағы (Иран төңірегіндегі) шиеленіс аймақтағы «орта державалардың» сыртқы саяси доктринасын түбегейлі қайта қарауға мәжбүр етті. ⬇Толық: https://mezgil.kz/e/action/ShowInfo.php?classid=2&id=7943
Биыл 43 231 қазақстандық әскерге шақырылады! Президенттің әскери қызметшілерді запасқа шығару және ҚР азаматтарын 2026 жылдың наурыз – маусым және қыркүйек – желтоқсан айларында мерзімді әскери қызметке кезекті шақыру туралы Жарлығын іске асыру жөніндегі Үкімет қаулысы қабылданды. Құжат аясында облыстардың, Астана, Алматы және Шымкент қалаларының әкімдеріне келесі шараларды ұйымдастыру тапсырылды: * Шақыру комиссияларының жұмысын ұйымдастыру және 2026 жылдың наурыз – маусым және қыркүйек – желтоқсан айларында әскерге шақыруды кейінге қалдыруға немесе одан босатылуға құқығы жоқ, 18-ден 27 жасқа дейінгі 43 231 ер азаматты әскерге шақыруды қамтамасыз ету; * ҚР заңнамасына сәйкес шақыру пункттерін медициналық қамтамасыз ету. ІІМ-ге әскерге шақырылушыларды жинау және әскерге жөнелту орындарында ішкі істер органдары қызметкерлерінің күшейтілген кезекшілігін ұйымдастыру жүктелді.
Тоқаев Артықовты қызметінен босатты! Президент Қасым-Жомарт Тоқаев Бауыржан Артықовты «Батыс» өңірлік қолбасшылығы әскерлерінің қолбасшысы қызметінен босату туралы өкімге қол қойды. Ол бұл лауазымды 2024 жылдың ақпанынан бастап атқарып келген болатын, бұған дейін Бас штабта және Десанттық-шабуылдау әскерлерінде қызмет атқарған.
‼Әңгіменің әлқиссасын Ақ үй қожайынының соңғы сөздерінен бастасақ, Дональд Трамп Иран мұнайына иелік еткісі келетінін ашық айтты. Жексенбі күні президент Трамп «Financial Times» басылымына көлемді сұхбат берді. ▪ТРАМП: ИРАННЫҢ МҰНАЙЫН ТАРТЫП АЛЫП, ХАРКҚА БАСЫП КІРЕМІЗ! ▪КЕЛІССӨЗДЕР: ПӘКІСТАН АРАҒАЙЫНДЫҚ ЖАСАЙ АЛА МА? ▪ИРАННЫҢ ЖАУАБЫ: БІЗ ЖЕР ҮСТІНДЕ СОҒЫСУҒА ТАС-ТҮЙІН ДАЯРМЫЗ! ▪ТРАМП: ИРАНДА БИЛІК РЕЖІМІ АУЫСЫП ҚОЙДЫ... ▪АҚШ ӘСКЕРІН ТОПТАУДА: 50 МЫҢ ӘСКЕР... ⬇Толық: https://mezgil.kz/e/action/ShowInfo.php?classid=1&id=7941
‼Өткен аптада Ленинград облысындағы портты қала Усть‑Лугада қазақ жастары мен жергілікті күзет агентігі қызметкерлері арасында жаппай төбелес орын алғаны туралы хабар жұртты дүр сілкіндірді. ⬇Толық: https://abai.kz/post/214279
БАҚ: Иран Сауд Арабиясындағы «Сұлтан ханзада» базасында құны 500 миллион доллар тұратын АҚШ әскери ұшағын жойып жіберген. Бұл — АҚШ Әскери-әуе күштеріндегі ең қымбат ұшақтардың бірі, AWACS алыс қашықтыққа арналған радиолокациялық анықтау жүйесімен жабдықталған Boeing E-3 Sentry.
Иран «Janfada» («Жанқиярлық») науқаны аясында американдық әскерлердің басып кіруі мүмкін деген қауіпке байланысты еріктілерді жинай бастады. Елдің түкпір-түкпірінде азаматтарға мемлекетті «американдық-сионистік» қауіптерден қорғауға дайындалу туралы мәтіндік хабарламалар келіп жатыр. Сонымен қатар, тұрғындар қауіпсіздік шараларының күшейтілгенін хабарлауда: Исфахан мен көршілес аймақтарда бетперде киген қарулы адамдардың қатысуымен бақылау-өткізу пункттері орнатылуда. Дереккөз: WSJ (The Wall Street Journal)
Қазақстандағы су тапшылығы деңгейі 34,6% құрайды, бұл көрсеткіш бойынша ел әлемде 49-орында тұр... Су тапшылығы жоғары елдердің рейтингі: 1 Кувейт 3850,5% 2 БАӘ 1509,9% 3 Сауд Арабиясы 974,2% 9 Түрікменстан 135,2% 13 Өзбекстан 123,0% 25 Тәжікстан 69,9% 28 Армения 62,0% 32 Әзірбайжан 57,5% 38 Қырғызстан 50,0% 49 Қазақстан 34,6% 131 Ресей 4,1%
Түркия АҚШ-қа ескерту жасады: егер күрдтер Иранға соққы жасаса, Түркия дереу жауап соққы жасайды! Бұған дейін АҚШ батыс Ирандағы іс-қимылдар үшін күрд жасақтарына қолдау көрсету мәселесі талқыланған болатын. Алайда, бұл жоспарлар Түркияның ұстанымына байланысты күрделене түсті. Анкара мұндай қадамнан өз шекарасына жақын маңда сепаратизм қаупін көріп отыр. Türkiye газетінің мәліметінше, Анкара күрд топтарына да ескерту жолдаған: олардың Иранға қарсы операцияларға қатысуы Түркия тарапынан дереу әскери шаралардың қолданылуына түрткі болады.