Жүргізуші көлікті аударып алған Семейде көлік аударылып, жаяу жүргіншіні қағып кетті. Абай облыстық Полиция департаменті оқиғаның мән-жайын жариялады, деп хабарлайды kznews.kz. Жол...

Танымал әнші Мөлдір Әуелбекова күні кеше «Ауыл» халықтық-демократиялық патриоттық партиясының қатарына қосылған болатын, деп хабарлайды kznews.kz. Партия төрағасы Серік Егізбаев ән...

Танымал продюсер Баян Алагөзова өзіне сыйға берілген «Қыз Жібек» фильміндегі қамзолға қатысты қоғамда туындаған сын-пікірлерге жауап берді, деп хабарлайды Ozgeris.info. Продюсер In...

Павлодарда бүлдіршіндерге күш көрсетіп, соққыға жықты деген айып тағылған балабақша тәрбиешісіне қатысты үкім шықты, деп хабарлайды Almaty.tv. Сот 33 жастағы әйелді кінәлі деп таны...

Дегенмен, оның жағдайы әлі де ауыр Елордада өрт салдарынан үш баласынан айырылған әйел есін жиды. Дегенмен, оның жағдайы әлі де ауыр, деп хабарлайды kznews.kz. Астана тұрғыны жеті тәуліктен бері жансақтау бөлімінде жатыр. Мамандардың айтуынша, науқастың жағдайына оның алған күйіктері, тыныс алу жолдарының зақымдануы және улы түтінмен улануы әсер етіп отыр. «Қазіргі уақытта пациент есін жиды және медицина қызметкерлерінің сөздеріне, командаларына жауап берді. Оған қажетті барлық қолдау көрсетіліп жатыр», — деді травматолог-дәрігер Марат Сәбиров. Қазіргі уақытта әйел адам жасанды тыныс алу құрылғысына қосылған. Дәрігерлер науқастың жүрек соғысы мен артериялық қысымының тұрақты екенін айтты. Еске сала кетейік, жан түршігерлік оқиға 12 сәуірге қараған түні елордадағы тұрғын үй кешендерінің бірінде болды. Тілсіз жау үш баланың өмірін қиды.

Белгілі айтыскер ақын Айтақын Бұлғақовқа өңеш қатерлі ісігі диагнозы қойылғаны анықталды. Бұл туралы оны емдеп жатқан клиника мәлім етті, деп хабарлайды Alash.kz . Дәрігерлердің айтуынша, науқас медициналық көмекке дер кезінде жүгінген. Әсіресе, оның ұлы әкесінің жағдайына алаңдап, уақыт жоғалтпай ем іздеуге бар күшін салған. Алдымен ақын Түркиядағы екі клиникада тексеруден өткен. Кейін емді жалғастыру үшін басқа медициналық орталыққа жүгінген. Клиника өкілдері бұл қадамды өмірді сақтап қалуға бағытталған маңызды шешім ретінде бағалап отыр. Олардың мәліметінше, қазіргі таңда науқастың жағдайында оң өзгерістер бар және толық сауығып кету мүмкіндігі жоғары. "Уақтылы басталған ем, тәжірибелі дәрігерлер мен дұрыс тәсіл – адамға жаңа мүмкіндік береді", – дейді мамандар. Қазіргі уақытта Айтақын Бұлғақов ем қабылдауын жалғастырып жатыр. Жақындарының айтуынша, ақынның рухы мықты, жанында оны қолдайтын отбасы бар.

Статистикалық деректерге қарасақ,еңбек нарығындағы жағдай тұрақты көрінеді. Бұл жұмыспен қамту бойынша қарқынды әрекет жүріп жатыр дегенді білдіреді-мыс. Мәселен, осы сәтте жалпы жұмыссыздық деңгейі 4,6 пайыз шамасында. Ал жұмыспен қамтылғандар саны 9,3 миллион адамға жуық. Алайда, ресми көрсеткіштер бір жағынан тұрақтылық әсерін қалыптастырғанымен, нақты жұмыспен қамту қандай факторлардың есебінен қамтамасыз етіліп отырғаны туралы толық ақпарат табу қиынға түседі. Яғни, еңбек нарығында сұраныс бар, бірақ, қандай жұмыс орындарына адам қабылдау жүргізілгені туралы ашып айтылмайды. Демек, жұмыс орындары статистикасында маусымдық немесе уақытша жұмыс күшіне қатысты сұраныс басым болуы мүмкін. Ал мансап орталықтары мен әлеуметтік қорғау секторы бұл ерекшеліктерді бөлек қарастырмайтынға ұқсайды. Бұл жердегі негізгі ұстаным: адамдардың тұрақты әрі табысты жұмыспен қамтылуы бөлек мәселе, ал еңбек нарығында қозғалыс туралы есеп беру маңыздырақ. Әлбетте, бұл жердегі негізгі екпін жаңадан ашылған жұмыс орындары мен жас мамандардың еңбекпен қамтылуына берілуге тиіс. Екіншіден, жұмыспен қамту саласына қатысты статистика деректерінен ішінара алшақтық байқалады. Есепке жүгінсек, еңбек нарығындағы 2,1 миллион адам, яғни жұмыспен қамтылғандардың 23 пайызы өзін-өзі жұмыспен қамтушылардың санатына кіреді екен. Яғни, көп адам үшін бұл саналы таңдау емес, мүмкіндіктердің шектеулі болуынан туындаған амал болып отыр. Мұнан бөлек, жалпы жұмыспен қамтылған 9,3 млн адамның ішінен өзін өзі жұмыспен қамтыған 2,1 млн адамды бөліп алсақ, шамамен 22,6 пайызы тек төменгі мөлшерде әлеуметтік төлем төлеуші болып шығады. Яғни, бұл жерде экономикалық белсенділік туралы айту күлкілі болар еді. Үшіншіден, сұраныстағы жұмыс орындарының негізгі өсімі сауда саласына тиесілі дейді. Оның жалпы үлесі 16,7 пайызды құрайды. Ал тұтас өнеркәсіп секторы бойынша еңбекпен қамту деңгейі 12,4 пайыз деңгейінен аса алмай тұр. Сонымен қатар тіркелген көрсеткіштер арасындағы теңсіздік те айқын көрініс тауып отыр. Жалпы жұмыссыздық деңгейі төмендеп жатқанымен, тіркелген жұмыссыздардың саны 1,8 пайыздан 2,2 пайызға дейін көбейген. Бұл еңбек нарығына келіп жатқан адамдар санының артқанын, бірақ оған сай сұраныстың жеткілікті деңгейде ұлғаймай отырғанын көрсетеді. Айтпақшы, елде еңбек күшіне кірмейтін 4,6 миллион адам бар екен. Әлбетте, олардың саны ресми статистикаға енгізілмейді. Дегенмен, қазіргі сәттегі әлеуметтік-экономикалық жағдайда он миллионға жуық адамның екі қолға - бір күрек тауып, нәпақасын айырып отырғанына шүкір деуіміз керек сияқты. Ал бұл адамдардың маңдай терінің өтеуі туралы әңгіме бөлек. Біз бұған дейін елдегі орташа табыс пен медианалық жалақы туралы мәселе көтергенбіз .

Алматы әкімі Дархан Сатыбалды төрағалық еткен экология мәселелері жөніндегі ведомствоаралық кеңесте қоршаған ортаға түсетін жүктемені азайтуға бағытталған нақты шаралар топтамасы қ...

Сахнада D4vd атымен танымал 21 жастағы рэп орындаушысы Дэвид Энтони Берк кәмелетке толмаған Селеста Ривас Эрнандестің өліміне байланысты күдікпен қамауға алынды, деп хабарлайды kzn...

Егер әйел адам толыққанды түнгі ұйқыдан кейін де шаршаңқы күйде оянатын болса, терапевтке қаралып, тексерілуі қажет. Мамандар мұндай белгілерді елемеу денсаулыққа айтарлықтай қауіп...

Ұлы анасының мәйітін мұздатқышта сақтап, оның зейнетақы ақшасын жұмсағанын мойындады, деп хабарлайды kznews.kz Mirror басылымына сілтеме жасап. 60 жастағы Кристофер Филлипс 17 ақпа...

Үндістанның Бангалор қаласында 42 жастағы ер адам қарт анасын көпқабатты үйдің төртінші қабатынан итеріп жіберді деген күдікке ілінді, деп хабарлайды kznews.kz NDTV арнасына сілтем...

Қазақстан Президенті Қасым-Жомарт Тоқаев Анталия дипломатиялық форумында Біріккен Ұлттар Ұйымын реформалау мәселесін көтеріп, оның қазіргі құрылымы жаһандық сын-қатерлерге толық жауап бере алмай отырғанын мәлімдеді, деп хабарлайды kznews.kz. Мемлекет басшысы БҰҰ-ны жаңғыртуға прагматикалық тұрғыдан қарау қажет екенін атап өтті. Оның айтуынша, халықаралық ұйымның тиімділігінің төмендеуіне Қауіпсіздік Кеңесіндегі тұрақты мүшелердің ұстанымы әсер етіп отыр. – Жаһандық мәселелердің шешіміне жиі кедергі келтіретін ірі державаларға қарағанда, орта державалардың жауапкершілігі жоғары. Қазақстан мен Түркия сияқты елдер халықаралық процестерде оң ықпалын көрсетіп келеді, – деді Президент. Қасым-Жомарт Тоқаев қазіргі таңда маңызды келіссөздердің БҰҰ алаңынан тыс жерде өтіп жатқанын ерекше атап өтті. Оның пікірінше, бұл – Ұйым рөлінің әлсірегенінің айқын белгісі. – Қақтығыстар бойынша келіссөздер БҰҰ-да емес, жекелеген мемлекеттердің астаналарында өтеді. Ұйым өкілдерінің араағайындық қызметі сирек байқалады. Бұл – ойланатын мәселе. БҰҰ-ның рөлі төмендеп барады, – деді Мемлекет басшысы. Президент БҰҰ-ның болашағына қатысты да алаңдаушылық білдіріп, басты мәселе кадрлық өзгерістер емес, ұйымның қазіргі форматта өміршеңдігі екенін жеткізді. Сонымен қатар ол Қауіпсіздік Кеңесінің өзі кейбір жағдайда өзекті халықаралық мәселелерді шешуге кедергі келтіріп отырғанын сынға алды. Осыған байланысты мемлекеттер балама алаңдарда келіссөз жүргізуге мәжбүр. Қасым-Жомарт Тоқаев БҰҰ қызметін жаңғыртуда жасанды интеллект мүмкіндіктерін зерттеу қажеттігін де атап өтті. Оның айтуынша, ұйым уақыт талабына сай келмейтін ескі ұстанымдардан арылуы тиіс. Мемлекет басшысы превентивті дипломатияның маңызын ерекше атап өтіп, қақтығыстарды алдын ала болжау мен олардың алдын алу тетіктерін күшейту қажет екенін айтты. – Бұл мәселе көптен бері айтылып келеді, бірақ нақты нәтиже жоқ. Біз декларациядан нақты іс-қимылға көшуіміз керек, – деді ол. Президенттің бұл пікірін Солтүстік Македония басшысы Гордана Силяновска-Давкова қолдап, қазіргі халықаралық ұйымдардың басты әлсіз тұсы – превентивті дипломатияның жеткіліксіздігі екенін атап өтті.

Анталияда өткен дипломатиялық форумда Қазақстан Президенті Қасым-Жомарт Тоқаев қазіргі әлемдік ахуал мен жаһандық көшбасшылардың жауапкершілігі туралы өз көзқарасын білдірді, деп хабарлайды kznews.kz. Мемлекет басшысы бүгінгі таңда халықаралық қауіпсіздік пен бейбітшілікті сақтау мәселесі әрбір ел басшысының басты міндетіне айналуы тиіс екенін атап өтті. Оның айтуынша, қазіргі күрделі әрі қарама-қайшылыққа толы кезеңде стратегиялық ұстамдылық ерекше маңызға ие. – Жаһандық көшбасшылар ең алдымен халықаралық қауіпсіздік пен бейбітшілікке жауапкершілікпен қарауы қажет. Бүгінгі жағдайда сабыр мен байыптылық таныту – аса маңызды. Әлемдегі шиеленістерді шешу соншалықты қиын емес, ол үшін тек жауапкершілік пен ұстамдылық керек, – деді Президент. Сонымен қатар Қасым-Жомарт Тоқаев Таяу Шығыстағы ахуалға да тоқталып, қазіргі қақтығыстарға қатысты пікір білдірді. Ол халықаралық қауымдастықты жағдайды байыппен бағалауға шақырды. Президенттің айтуынша, Иран төңірегіндегі жағдай күрделі әрі көпқырлы. Қазақстан бұл ретте Шығанақ елдеріне қолдау білдіріп, тараптарды әскери іс-қимылдарды тоқтатуға және стратегиялық сабыр сақтауға үндеген. – Бұл қақтығыстың салдары ауыр болды, ең алдымен экономика зардап шекті. Ормуз бұғазындағы еркін кеме қатынасына қатысты мәселелер көтеріліп жатыр. Алайда бұл дәліз бұған дейін халықаралық сауда үшін ашық болғанын ұмытпауымыз керек. Сондықтан мәселенің түп-төркінін тереңірек қарастыру қажет, – деді Мемлекет басшысы. Президент сондай-ақ қақтығыстың негізгі себебі ядролық технология мен қарудың таралуына байланысты екенін атап өтті. Оның пікірінше, келіссөздер барысында дәл осы мәселе басты назарда болуы тиіс. Қасым-Жомарт Тоқаев әлемдік сауда-саттық жағдайына да тоқталды. Оның айтуынша, қазіргі қиындықтарға қарамастан, жаһандық сауда көлемі өсіп келеді. Мәселен, өткен жылы өсім 2,5 пайызды құраған. – Жалпы алғанда, әлемдік сауданың жағдайы жаман емес. Дегенмен оның сапасы мен мазмұнына қатысты мәселелер әлі де өзекті болып отыр, – деді Президент.

Мемлекет басшысы Қасым-Жомарт Тоқаев Анталия дипломатиялық форумының ашылу рәсіміне қатысты, деп хабарлайды kznews.kz. Ол жиын қожайыны Режеп Тайип Ердоғанмен бірге отырды. Салтанатты іс-шарада Түркия Президенті Режеп Тайип Ердоған сөз сөйледі. Сондай-ақ форум жұмысына Әзербайжан Президенті Ильхам Әлиев, Қатар Әмірі шейх Тәмим бен Хамад Әл Тәни, Пәкістан Премьер-министрі Шахбаз Шариф, Словения Президенті Наташа Пирц-Мусар, Солтүстік Македония Президенті Гордана Силяновска-Давкова, Молдова Президенті Майя Санду, Сирия Президенті Ахмед Аш-Шараа, Бурунди Президенті Эварист Ндайишимийе, Конго Демократиялық Республикасы Президенті Феликс Чисекеди, Босния және Герцеговина Төралқасының Төрағасы Денис Бечирович, Грузия Премьер-министрі Ираклий Кобахидзе және басқа да делегация басшылары қатысты. Анталия дипломатиялық форумы – жыл сайын жоғары деңгейде өтетін халықаралық пікірталас алаңы. Іс-шара саяси көшбасшылар, дипломаттар, сарапшылар, бизнес, медиа және азаматтық қоғам өкілдерінің басын қосады. Форум екіжақты және көпжақты байланыстарға, саяси консультациялар мен бейресми кездесулерге арналған тиімді платформа саналады. Сонымен қатар Президент Қасым-Жомарт Тоқаев Анталия дипломатиялық форумының «Mapping Tomorrow, Managing Uncertainties» панелдік сессиясына қатысты. Іс-шараны Түркия Парламентінің депутаты, бұрынғы сыртқы істер министрі Мевлют Чавушоғлы жүргізді. Мемлекет басшысы Түркия Режеп Тайип Ердоғанның басшылығымен халықаралық аренадағы беделін арттырып келе жатқанын айрықша атап өтті – Ең алдымен, көреген көшбасшы Режеп Тайип Ердоғанның жетекшілігімен Түркияның осы аймақта зор рөл атқаратынын айтқым келеді. Өңір әлсін-әлсін бетпе-бет келіп отырған өзекті мәселелердің шешімін табуға елдеріміз айтарлықтай атсалыса алады деп ойлаймын. Орайлы сәтті пайдалана отырып, Президент Ердоғанның келесі айда Қазақстанға жасайтын мемлекеттік сапарына ерекше мән беріп отырғанымызды жеткізгім келеді, – деді Қасым-Жомарт Тоқаев. Содан кейін Қазақстан Президенті биыл әлемдік қоғамдастық алдында тұрған және жақын перспективадағы халықаралық күн тәртібін қалыптастыратын негізгі сын-қатерлер мен үрдістер жөніндегі ой-пікірімен бөлісті. – Дипломаттар мен саясаткерлер адамзат жолайрықта тұр дегенді мысал етеді. Біріккен Ұлттар Ұйымының бұрынғы Бас хатшысы Кофи Аннанның: «Біз әлі де жолайрықта тұрмыз» деп жиі айтатыны есімде. Халықаралық шиеленісті азайтуға қатысты айтар болсақ, бұл жағдай ешқашан өзгермейді. Қазіргі қақтығыстар өңірлік ауқымнан шығып, жаһандық сипатқа ие болды. Әрине, БҰҰ – баламасы жоқ әмбебап ұйым, сондықтан әрбір мемлекетке белгілі бір жауапкершілік жүктеледі. Біріккен Ұлттар Ұйымына қолдау көрсету керек екенін жұрттың бәрі айтады. Бұл – факт. Бірақ Ұйымға қолдау көрсетіп қана қоймай, оған реформа жасау керек. Бұл да шындық. Ашығын айтқан жөн, «Ұйымға тез арада реформа жасалады» дегенге ешкім сенбейді. Өйткені БҰҰ-ны реформалау, өзгерту, қызметін қайта қарау мәселесін көптен бері көтеріп жүрміз. Одан ешқандай нәтиже шыққан жоқ. Біріккен Ұлттар Ұйымын реформалау, ең алдымен, Қауіпсіздік Кеңесінен басталуы керек екенін мойындауымыз қажет, – деді Мемлекет басшысы.

Соңғы күндері әлеуметтік желі пайдаланушылары арасында ерекше бір челлендж қызу талқылануда, деп хабарлайды kznews.kz. Желі белсендісі, актер, йога жаттықтырушысы Анастасия Кулик өзінің Instagram парақшасында баспана мәселесін шешудің тың әрі қарапайым жолын ұсынды. Оның идеясы — «кішігірім көмек арқылы үлкен мақсатқа жету». Анастасия өзінің видеосында шетелдік тәжірибеге сүйене отырып, қызықты дерек келтіреді: егер 20 000 адам небары 100 рубльден жинаса, бір пәтер алуға жететін сома құралады. Осы идеяны Қазақстан нарығына бейімдеген ол: «Егер 30 000 адам небары 200 теңгеден (бір кесе кофеден де арзан) аударса, бұл қаражатқа кішігірім болса да баспана алуға болады», — дейді. Бұл үндеудің артында үлкен өмірлік трагедия жатыр. Анастасия 17 жасында балалар үйінен шыққан соң, заңды түрде тиесілі баспанасына қол жеткізе алмай, алаяқтардың құрбаны болған. Жас қыз тәжірибесіздігінен заңгерге алданып, жалғыз үйінен айырылып қалған. Ол осы күнге дейін өз бетімен еңбектеніп, қиындықтарды жеңіп келсе де, баспана мәселесі шешімін таппаған. "Мен әлемнің әлі де мейірімді жандардан тұратынына сенемін," — дейді ол өз жазбасында. Бұл сөздер тағдырдың соққысына қарамастан, адамның адамға деген сенімі жоғалмағанын көрсетеді.

Алматы қаласында жол қозғалысын бақылауға арналған автоматтандырылған камералар жүйесінің дәлдігі мен сенімділігіне қатысты kznews.kz тілшісінің сұрақтарына Полиция департаменті түсінік берді. Ведомство мәліметінше, қалада орнатылған барлық техникалық құралдар мен құрылғылар міндетті метрологиялық тексеруден өтеді. Әрбір құрылғыға белгілі бір мерзімге сәйкестік сертификаты беріледі. Оның қолданылу мерзімі аяқталғаннан кейін құрылғылар қайта тексеріске жіберіледі. – Қалада қолданылатын барлық автоматты құрылғылар белгіленген тәртіпке сәйкес міндетті метрологиялық тексеруден өтеді. Әр құрылғыға сәйкестік сертификаты беріледі және оның мерзімі аяқталған соң қайта тексеріледі, – деп хабарлады Полиция департаменті. Сонымен бірге ведомство техникалық жүйелердің жұмысына байланысты толық кепілдік беру мүмкін еместігін атап өтті. – Полиция департаменті қандай да бір нақты кепілдік бере алмайды, себебі бұл – техника. Дегенмен аталған құрылғылар Қазақстан Республикасының заңнамасына сәйкес тексеруден өткен және сәйкестік сертификатына ие, – делінген жауапта. Жүйенің сенімділігіне қатысты бағалауға келсек, полиция бұл бағытта қорытындыны арнайы ғылыми білімі бар мамандар беруі тиіс екенін алға тартты. – Бұл техниканың сенімділігіне қатысты нақты бағалауды осы салада арнайы ғылыми білімі бар мамандар береді. Ал Полиция департаменті аталған жүйенің тек пайдаланушысы болып табылады, – деп мәлімдеді ведомство. Айта кетейік, бұған дейін жүргізушілер тарапынан автоматтандырылған жүйелер арқылы негізсіз айыппұл салынуы мүмкін деген мәселелер көтерілген еді.

Қазақстанда Ұлттық бірыңғай тестілеу жүйесін жаңғырту жоспарланып отыр. Бұл туралы вице-премьер Аида Балаева мәлімдеді, деп хабарлайды kznews.kz. Оның айтуынша, еңбек нарығындағы өзгерістер мен білім беру саласындағы жаңа үрдістер ҰБТ форматына түзетулер енгізуді қажет етеді. Жоспарға сәйкес, педагогикалық жоғары оқу орындарына түсу кезінде іріктеудің гибридті моделі енгізілуі мүмкін. Бұл жүйеде талапкерлер тестпен қатар ауызша емтихан тапсырып, олардың сыни ойлау және коммуникациялық қабілеттері бағаланады. Сонымен қатар Admissions Insight Test атты жаңа емтихан түрін енгізу көзделуде. Бұл тест халықаралық сарапшылардың қатысуымен әзірленіп жатыр. Бұдан бөлек, ҰБТ-ны грант конкурсына қатысу үшін бір реттік қорытынды емтихан ретінде тапсыруға көшу мәселесі қарастырылуда. Ал Foundation бағдарламалары арқылы шартты қабылдау жүйесінен бас тарту ұсынылып отыр.

Солтүстік Ирландияның Антрим қаласында тұратын 32 жастағы Сара-Джейн Кроуфорд арықтауға арналған Wegovy дәрісінің салдарынан денсаулығында асқынулар болғанын мәлімдеді, деп хабарлайды kznews.kz Daily Star басылымына сілтеме жасап. Әйел инъекция курсін 2024 жылдың тамызында бастаған. Ол кезде салмағы шамамен 125 келі болған. Кроуфорд 2025 жылдың қарашасына жоспарланған үйлену тойына дейін арықтауды мақсат еткен. Оның айтуынша, алғашқы апталар айтарлықтай қиындықсыз өткен: тәбеті азайғанымен, салмақ өзгермеген. Кейін ол препараттың дозасын арттырған, оған бірнеше жүз фунт стерлинг жұмсаған. Алайда шамамен 12 аптадан кейін оның жағдайы күрт нашарлаған. Іштің жоғарғы бөлігінде қатты ауырсыну пайда болып, құсу, жайсыздық мазалаған. Ауырсыну соншалықты күшейгендіктен, ол қозғала алмай қалған. Сонымен қатар ерекше белгі байқалған — тілінің түсі қарая бастаған. Әйелдің айтуынша, бұл ауыздан жағымсыз иіспен, әсіресе күкірт иісті кекірумен және ащы тағамға сезімталдықпен қатар жүрген. Осыдан кейін Кроуфорд Антрим аудандық ауруханасының жедел жәрдем бөліміне жүгінген. КТ және МРТ тексерістері өт жолын бітеп тұрған бірнеше өт тастарын анықтаған. Бұл асқынуларға әкелуі мүмкін болған. Сондай-ақ дәрігерлер оған дивертикулит — тоқ ішек қабырғасындағы томпаймалардың қабынуын диагностикалаған. Әйел препаратты қолдануды тоқтатып, 2025 жылдың ақпанында өт қабын алу операциясынан (холецистэктомия) өткен. Оның айтуынша, операция шамамен бір сағатқа созылып, кейін жағдайы біртіндеп жақсарған. Препаратты тоқтатқаннан кейін белгілер жойылған: тілінің түсі қалыпқа келген, жалпы жағдайы түзелген. Кроуфорд салмақ жоғалтудың бір бөлігін препаратпен емес, ауруымен байланыстырады. Ұлттық биотехнологиялық ақпарат орталығының мәліметінше, Wegovy құрамындағы семаглутид ас қорыту процесін баяулатуы мүмкін. Бұл ауыздың құрғауына, жағымсыз иіске және күкірт иісті кекіруге әкелуі ықтимал. Кей жағдайларда тілдің қараюы да байқалады. Өндіруші — Novo Nordisk компаниясы — өт-тас ауруы препараттың ықтимал жанама әсерлерінің бірі екенін атап өткен. Клиникалық зерттеулерде семаглутид қабылдаған семіздікпен ауыратын науқастардың 1,6%-ында өт-тас ауруы, ал 0,6%-ында өт қабының қабынуы тіркелген. Мамандар арықтауға арналған мұндай препараттардың барлығына бірдей әсер етпейтінін және нәтижесі әр адамның ағзасына байланысты екенін ескертеді.

Танымал қазақстандық продюсер әрі актриса Баян Алагөзова отандық кино тарихындағы ерекше жәдігерге ие болды. Ол – Қыз Жібек фильміндегі басты кейіпкер киген аңызға айналған қызғылт қамзол, деп хабарлайды kznews.kz. Бұл туралы 2026 жылдың 16 сәуірінде продюсер өзінің әлеуметтік желідегі парақшасында хабарлады. Оның айтуынша, жарты ғасырдан астам тарихы бар бұл құнды дүниені кезінде басты рөлді сомдаған Меруерт Өтекешова киген. Сирек кездесетін киімді киіп көрген Баян Алагөзова «Қыз Жібек» фильмі өзінің ең сүйікті туындысы екенін айтып, бұл сәтті үлкен бақытқа балаған. Сондай-ақ, ол бұл қамзолдың жай ғана киім емес, ерекше тарихи мұра екенін атап өтті. Продюсердің сөзінше, бұйым 50 жыл бұрын қолдан тігілген және оның авторы – танымал суретші Гульфайрус Исмаилова.