Жетісу облысында әйел көршісінің шабуылынан ауыр жарақат алды. Оқиға Ақсу ауданында тұрмыстық жанжал кезінде болған. Алдын ала мәлімет бойынша, ер адам әйелдің кәмелетке толмаған балаларына тіл тигізген. Әйел ескерту жасаған сәтте жанжал ушығып, күдікті күрекпен шабуыл жасаған. Зардап шеккен әйел ауруханаға жеткізілді. Дәрігерлер оған бас-ми жарақаты, ми шайқалуы, ашық бас жарақаты, сол қолының сынуы, саусақтарының жыртылған жаралары, сондай-ақ кеуде мен арқа жұмсақ тіндерінің соғылуы диагнозын қойған. Күдікті ұсталып, аталған факті бойынша қылмыстық іс қозғалды. Қазір тергеу амалдары жүргізіліп жатыр.
Ақбаян Мұқанғалиева Алматыға жеткізіліп, кешенді сот-психологиялық және психиатриялық сараптамадан өтеді. Күдікті мәртебесіне қарамастан, Ақбаян Мұқанғалиева әзірге ресми түрде айып тағылған жоқ. Іс бойынша негізгі күдікті ретінде қарастырылып отырған күйеубаласы — Сұлтан Сәрсемалиев те дәл осындай сараптамадан өтеді.
Ақбаян Мұқанғалиева Алматыға жеткізіліп, кешенді сот-психологиялық және психиатриялық сараптамадан өтеді. Күдікті мәртебесіне қарамастан, Ақбаян Мұқанғалиева әзірге ресми түрде айып тағылған жоқ. Іс бойынша негізгі күдікті ретінде қарастырылып отырған күйеубаласы — Сұлтан Сәрсемалиев те дәл осындай сараптамадан өтеді.
Ұлытау облысында әйелді пышақтап өлтіру дерегі бойынша тергеу жүріп жатыр Ұлытау облыстық полиция департаментінің хабарлауынша, Жәйрем кентінде әйелдің өліміне байланысты сотқа дейінгі тергеу басталды. Күдікті ретінде марқұммен бірге тұрған 33 жастағы жергілікті тұрғын анықталған. Алдын ала мәлімет бойынша, ол қылмыс жасағаннан кейін өзіне қол жұмсамақ болған. Қазіргі уақытта күдікті медициналық мекемеде дәрігерлердің бақылауында, сондай-ақ полицияның тәулік бойы күзетінде жатыр. Полиция өкілдерінің айтуынша, емдеу шаралары аяқталған соң ер адам бірден тергеу изоляторына қамалады. Іс өңірлік полиция департаменті басшылығының ерекше бақылауына алынған. Stankz дерегінше, ер адам әйелге бірнеше рет пышақ жарақатын салған. Марқұмның артында төрт баласы қалған.
Алматыдағы тұрғын үйлердің бірінде күтпеген жағдай болды — тұрғындардың айтуынша, курьер көпқабатты үйдің кіреберісінде тұрған баланың коляскасына дәрет сындырған. Бұл жайт бейнебақылау камераларын қарау барысында анықталған. Алғашында тұрғындар коляскаға су төгілген деп ойлаған. Алайда жағымсыз иіс пен дақтарды байқағаннан кейін камера жазбаларын тексеріп, күдікті әрекетті көрген. Толық оқу👇🏻 https://alash.kz/kz/article/almatylyq-kurer-balalar-arbasyna-daret-syndyryp-ketken-video.html
Атырау облысында өз отбасы мүшелерінің өліміне күдікті әйел психиатриялық ауруханаға орналастырылды. Бұл туралы ІІМ вице-министрі Санжар Әділов хабарлады. Оның ісі бойынша кешенді сот-психологиялық және психиатриялық сараптама тағайындалған. Қазіргі уақытта тергеу амалдары жүргізіліп жатыр.
Ресейде 117 мыңнан астам қазақстандық еңбек етіп жүр Бұл туралы Қазақстанның Сыртқы істер министрлігі мәлімдеді (дереккөз: Azattyq радиосы). 2025 жылғы 31 желтоқсандағы мәліметке сәйкес, Ресейде еңбек келісімшарты негізінде жұмыс істеп жүрген Қазақстан азаматтарының саны 117 144 адамға жеткен. Жылдар бойынша көрсеткіштер: • 2022 жыл — 114 500 адам • 2023 жыл — 162 700 адам • 2024 жыл — 105 170 адам Министрлік нақты қай салаларда еңбек етіп жүргені туралы ақпарат бермеген. Фото: Kursivmedia
Қазақстанда төтенше жағдай кезінде халықты паналау орындарымен қамтамасыз етуге арналған жаңа стандарт бекітілді. Құжатта жертөлелерді, жерасты паркингтерін және өзге де жерасты кеңістіктерін паналау орны ретінде бейімдеудің нақты талаптары белгіленген. Сонымен қатар, ғимараттарды тексеру және қайта жабдықтау тәртібі бойынша бірыңғай ережелер енгізілді. Стандарт желдету, су, электрмен жабдықтау, санитария және байланыс жүйелеріне қойылатын негізгі талаптарды да қамтиды.
Абай облысында менингиттен көз жұмған 20 жастағы сарбаз ісі бойынша сот үкімі шықты. Аягөз әскери госпиталінің дәрігері 2 жылға сотталды, алайда рақымшылыққа ілікті. Оқиға мамыр айында болған. Денсаулығы нашарлаған сарбаз алдымен госпитальға жеткізілген. Дәрігер оған жеңіл диагноз қойып, емдеу тактикасын өзгертпеген. Жағдайы күрт ауырлағаннан кейін ғана ол аудандық ауруханаға ауыстырылып, жансақтау бөлімінде қайтыс болды. Сараптама оның өліміне асқынған іріңді менингит себеп болғанын анықтады. Мамандар дер кезінде дұрыс диагноз қойылып, қажетті ем көрсетілгенде сарбазды аман алып қалуға мүмкіндік болғанын айтады. Сот дәрігерді кінәлі деп танып, 2 жылға бас бостандығынан айырды және белгілі бір уақытқа медицина саласында жұмыс істеу құқығынан айырды. Сонымен қатар, одан 12 миллион теңгеден астам өтемақы өндірілетін болды.
Қазақстанда доллар бағамы қайта төмендеді. — Астанада айырбастау пункттерінде долларды орта есеппен 471 теңгеден сатады, ал 464 теңгеден сатып алады. — Алматыда сату бағасы 467 теңге болса, сатып алу құны шамамен 464 теңгені құрайды.