Мыңдаған тасбақаны құтқарыпты… Түркістан облысында егіс науқаны басталған. Техника жерді жыртып, жергілікті фаунаны қырып салар еді. Бірақ волонтерлердің арқасында **8 мың тасбақа, жүздеген жылан, кесіртке аман қалды**. Тіршілік иелерін шелектеп жинап, жарақаты болса, емдеп, пикаппен қауіпсіз (әрі мекендеу ортасына сай) жерге апарып, табиғатқа қайтарған. Құтқару операциясын ұйымдастырған [**Tasbaqa қоры**](https://www.instagram.com/tasbaqa_kz/). Облыс әкімшілігі де көмектесіпті.

Әділетханды босатпайтын болды. 10 күндік қамауы **2 айға созылып кетті** (ағасының айтуынша)... Сот ақыры болады-ау. Нақты қандай "жалған ақпарат" үшін айыпталып жатқаны әлі де белгісіз. Тек сол Алматыдағы Zeekr-Merс жол апаты жайлы рилстар салғаннан cоң ұсталғаны белгілі. Болды.

Мысықты құтқарам деп қаза тапты. Павлодарда 50 жастағы ер адам мысықты ағаштан түсірмек болып, **6 метр биіктіктен құлап түсті**. Байғұс ауруханада көз жұмды. Кеше болған оқиға ("Центральная промзона" деген көшеде). Топырағы торқа болсын.