**Перизат Қайраттың колонияда қандай жұмыс атқаратыны белгілі болды** Қылмыстық-атқару жүйесі комитеті 10 жылға сотталған Перизат Қайрат қандай жұмыс атқаратынын жария етті. "Сотталушы мекемеде жұмыс істейді және кеңсе аумағын тазалайды", - дейді комитет өкілдері. Фото: instagram.com/01pk [t.me/kaznurkz](http://t.me/kaznurkz)
**Ақтөбе облысының әкімі Асхат Шахаров кеше облыстық әкімдік ғимаратында болған өртке байланысты мәлімдеме жасап, қазіргі ахуалды айтты** Шахаровтың айтуынша, облыстық әкімдік ғимаратында болған өрт толық сөндірілген, жағдай тұрақты және бақылауда. 🔹Төтенше жағдайдан ешкім зардап шекпеген, медициналық көмекке ешкім де жүгінбеген. 🔹Қазіргі уақытта арнайы комиссия өрттің себептерін анықтап жатыр. 🔹Ғимараттың техникалық жағдайын толық бағалау үшін сарапшылар тартылған. 🔹Ғимараттың тек шатыры жанған. Алтыншы қабаттағы кабинеттерге келген зақым айтарлықтай емес. 🔹Түстен кейін, көп маман өз жұмыс орындарына оралады. Оған дейін мемлекеттік қызметтер онлайн, үздіксіз көрсетіледі. 🔹Өрт фактісі бойынша іс қозғалған, тергеу амалдары жүргізіліп жатыр. 🔹Қалпына келтіру жұмыстарының нақты жоспары әзірленіп жатыр. Фото: facebook.com/aktobeakparat [t.me/kaznurkz](http://t.me/kaznurkz)
**Тоқаев АҚШ пен Иранның бітімге келуіне қатысты пікір білдірді** Президент Қасым-Жомарт Тоқаев Пәкістан премьер-министрі Шахбаз Шариф пен Пәкістан Қарулы күштерінің бас қолбасшысы, фельдмаршал Асим Мунирдің араағайындығы арқылы Таяу Шығыстағы соғысты толық тоқтату және бітімге келу туралы келісімге қол жеткізілуін құптайды. __"Бұл келісім АҚШ президенті Дональд Трамптың және Иранның жоғарғы басшылығының, сондай-ақ әскери қақтығысқа қатысқан елдердің ізгі ниеті мен парасаттылығының арқасында мүмкін болды. __ __Мемлекет басшысы әлемдік сауданың дамуына және барлық мемлекеттің экономикалық өркендеуіне жағдай жасау мақсатында қол жеткізілген бітімгершілік келісімнің ұзақ мерзімді сипатқа ие болатынына үміт білдірді", - деді президенттің баспасөз хатшысы Айбек Смадияров.__ Айта кетейік, бұған дейін АҚШ пен Иран екі аптаға атысты тоқтату туралы келісімге келгені [белгілі болған еді](https://kaz.nur.kz/world/2362981-aqsh-pen-iran-eki-aptalyq-bitimge-kelisti/). Келіссөздер 10 сәуірде Исламабадта басталады. Фото: Ақорда [t.me/kaznurkz](http://t.me/kaznurkz)
**Мамырда қазақстандықтар қанша күн демалады** Биыл қазақстандықтар мамырда төрт мерекені атап өтеді. Мерекеге орай, ел тұрғындарын қосымша демалыс күндері күтіп тұр. Материалды толығырақ [KAZ.NUR.KZ](https://kaz.nur.kz/society/2362785-mamyrda-qazaqstandyqtar-qansha-kun-demalady/)-тен оқыңыз. Фото: Pakin Songmor/Getty Images [t.me/kaznurkz](http://t.me/kaznurkz)
**Алматыдағы жол апаты: Zeekr автокөлігінің жүргізушісі ауруханадан тергеу изоляторына жеткізілді** Полиция департаментінің мәліметінше, үш адамның өмірін қиған жол-көлік оқиғасына қатысты іс бойынша күдікті деп танылған Zeekr автокөлігінің жүргізушісі тергеу изоляторына этапталды. __"Бұған дейін күдікті медициналық мекемеде айдауыл күзетінің бақылауында болған және соттың санкциясымен қамауға алынған.__ __Қазіргі уақытта ол қылмыстық іс аясында қамауда ұстау үшін тергеу изоляторына жеткізілді", - деді ПД баспасөз қызметі өкілдері.__ Материалды толығырақ [KAZ.NUR.KZ](https://kaz.nur.kz/accidents/road-accident/2362590-almatydagy-zhol-apaty-zeekr-avtokoligining-zhurgizushisi-auruhanadan-tergeu-izoliatoryna-zhetkizildi/) сайтынан оқыңыз Фото: NUR.KZ/Владимир Третьяков [t.me/kaznurkz](http://t.me/kaznurkz)
**ІІМ өткізген операция: Қазақстанда дәріхана қызметкерлеріне қатысты 13 қылмыстық іс қозғалды** Елімізде 30 наурыз бен 3 сәуір аралығында "Дәрмек" іс-шарасы өтті. Оның мақсаты – есірткі және психотроптық дәрілердің заңды айналымын бақылау. Жедел-профилактикалық іс шара аясында полиция қызметкерлері: - әсері күшті дәрілерді заңсыз сату бойынша 16 қылмыстық іс қозғады; - дәріхана қызметкерлеріне қатысты 13 қылмыстық істі тіркеді; - мыңнан астам медициналық мекеме және 300 кәсіпорынды тексерді; - 209 әкімшілік құқық бұзушылықты анықтады; - 500 мыңнан астам дәрі және 1,5 мың тонна прекурсордың айналымына тосқауыл қойды. - 73 кәсіпорын басшысын жауапкершілікке тартты; - 136 медицина қызметкеріне қатысты материалдар жиналды. Материалды толығырақ [KAZ.NUR.KZ](https://kaz.nur.kz/accidents/crime/2362575-retseptisiz-dari-satqan-almatyda-tort-farmatsevtke-qatysty-qylmystyq-is-qozgaldy/) сайтынан оқыңыз Фото: pixabay.com [t.me/kaznurkz](http://t.me/kaznurkz)
**Ақмола облысында "Шөптікөл" бөгеті бұзылды** Ақмола облысы Қорғалжын ауданында "Шөптікөл" бөгеті бұзылды. ТЖМ мәліметінше, гидротехникалық нысан Сабынды ауылынан солтүстікке қарай 2 шақырым жерде орналасқан. __"Апат салдарын жоюға ТЖМ, жергілікті атқарушы органдар, аудандық полиция бөлімі және жол қызметтерінің күш-құралдары жұмылдырылған", - деді ТЖМ баспасөз қызметі өкілдері.__ Шамамен 170 адам және 43 техника тартылған. Бөгетті нығайту, инертті материалдар төгу және суды бұру жұмыстары жүріп жатыр. Жағдай ТЖМ бақылауында. Бұған қатысты "[ҚазАвтоЖол](https://t.me/qazavtojol/15766)" өкілдері де мәлімдеме жасады. Компания мәліметінше, "Шөптікөл" бөгетінің бұзылуы салдарынан су алқап арқылы елді мекен бағытына қарай жайылып, "Астана - Қорғалжын" республикалық маңызы бар автомобиль жолының 75-шақырымын кесіп өтуде. Дегенмен су жолдың жүру бөлігіне өткен жоқ. Фото: ТЖМ баспасөз қызметі [t.me/kaznurkz](http://t.me/kaznurkz)
**⚡️Қарағанды облысында салонында 50 адам болған вахталық автобус аударылды** ТЖМ-ның мәліметінше, ТЖМ әуе кемесімен зардап шеккен үш адам Қарағанды қаласындағы медициналық мекемелерге жеткізілген. Сондай-ақ ТЖМ күштері вахталық көлікпен жедел жәрдем және Апаттар медицинасы орталығы мамандарының сүйемелдеуімен 30 адамды Ботақара ауылының ауруханасына жеткізген. Зардап шеккендердің жағдайы орташа дәрежеде деп бағаланып отыр. t.me/kaznurkz
**Трамп Иранда атып түсірілген америкалық ұшақтың екі ұшқышы да құтқарылғанын хабарлады** Трамптың мәліметінше, екі ұшқыш та аман. Олар бөлек-бөлек құтқарылған. Трамп екінші құтқару операциясына қауіп төндірмеу үшін бірінші ұшқыштың құтқарылғаны біраз уақытқа дейін расталмағанын атап өтті. Ақ үй басшысы операция кезінде адам шығыны болмағанын айтты. __"Біз ешқашан америкалық әскери қызметшіні шайқас алаңында қалдырмаймыз", - деді АҚШ президенті.__ Материалды толығырақ [KAZ.NUR.KZ](https://kaz.nur.kz/world/2361848-tramp-iranda-atyp-tusirilgen-amerikalyq-ushaqtyng-eki-ushqyshy-da-qutqarylganyn-habarlady/) -тен оқи аласыз. Фото: pixabay.com [t.me/kaznurkz](http://t.me/kaznurkz)
**Балаева: Жұмыс істейтін жастарға арналған жалға берілетін тұрғын үй бағдарламасы тоқтатылады** Премьер-министрдің орынбасары – мәдениет және ақпарат министрі Аида Балаева Facebook-тегі парақшасында жұмыс істейтін жастарға арналған жалға берілетін тұрғын үй бағдарламасы жөнінде маңызды мәлімдеме жасады. Жазбада Аида Балаева **2026 жылғы 9 қаңтарда Құрылыс кодексіне қол қойылғанын** атап өтті. Оған қоса **заңнамаға, **соның ішінде жастар саясаты бойынша жекелеген тетіктерді реттеуге байланысты **нормаларға өзгерістер енгізілген**. __"Соған сәйкес, 2026 жылғы 27 наурыздағы бұйрық негізінде "Жұмыс істеп жүрген жастарға сатып алу құқығынсыз жалға берілетін тұрғынжай беру қағидаларын бекіту туралы" **бірқатар бұйрықтардың күші жойылып, жұмыс істейтін жастарға арналған жалға берілетін тұрғын үй бағдарламасы тоқтатылады.** Босатылатын тұрғын үй қорын одан әрі пайдалану мәселесі тұрғын үй заңнамасына және белгіленген кезекке сәйкес шешілетін болады", - деді Аида Балаева.__ Фото: NUR.KZ/Владимир Третьяков [t.me/kaznurkz](http://t.me/kaznurkz)
**Сәденов Алматыдағы жол апатына қатысты тағы да мәлімдеме жасады** Ішкі істер министрі қоғамда резонанс тудырған жол апатына қатысты жазба жариялады. __Негізгі тұстары:__ - ІІМ Алматыдағы жол-көлік оқиғасының мән-жайын жан-жақты әрі объективті тергеп-тексеру және кінәлілердің жазадан жалтармауын қамтамасыз ету бойынша шаралар қабылдап жатыр - ZEEKR автокөлігінің жүргізушісі сот шешімімен қамауға алынды. Ол апат кезінде алкогольге мас күйде болған - Бұрынғы полиция қызметкерінің әрекетсіздігі және мемлекеттік нөмірлік белгілердің заңсыз берілуі фактілері бойынша қылмыстық істер қозғалды - жағдайға объективті баға беру үшін Алматыға ІІМ комиссиясы жіберілді - қызметтік тәртіпті күшейту және заңдылықты қамтамасыз ету бойынша қалаға басқа өңірлерден полиция жасақтары жіберілді - тергеу барысы министрдің жеке бақылауында. [t.me/kaznurkz](http://t.me/kaznurkz)
**"Кеген – Нарынқол" автожолында көлік қозғалысы қалпына келді** "ҚазАвтоЖол" компаниясының өкілдері 3 сәуірде бір бөлігі опырылған "Кеген – Нарынқол" автожолындағы жағдай туралы мәлімет берді. __"Автожолдың 20-шақырымында айналма жол арқылы көліктер еш кедергісіз өтіп жатыр. Қазіргі уақытта жағдай бірқалыпты", - дейді жол маманы.__ Еске сала кетейік, 2026 жылғы 3 сәуір сағат 11:30 шамасында республикалық маңызы бар "Кеген – Нарынқол" автожолының 20-шақырымында еріген суларды өткізу кезінде қолданыстағы су өткізу құбыры зақымданып, [жол төсемі шайылған.](https://kaz.nur.kz/accidents/emergency/2361391-almaty-oblysynda-zholdyng-bir-boligi-opyryldy-video/) "ҚазАвтоЖолдың" мәліметінше, бұл учаскемен тәулігіне шамамен 500 автокөлік өтеді. Жол 1960-1970 жылдары салынған. Фото: t.me/qazavtojol [t.me/kaznurkz](http://t.me/kaznurkz)
Қазақстанның оңтүстігінде жер сілкінді Астана уақытымен 21 сағат 13 мин жер сілкінісі тіркелді. Жер сілкінісін Түркістан облысы, Шымкент қаласы, Жамбыл облысы тұрғындары сезген. __Зардап шеккендер мен қираулар туралы мәлімет түскен жоқ.__
**Алматы облысында жолдың бір бөлігі опырылды** "ҚазАвтоЖолдың" мәліметінше, бүгін республикалық маңызы бар "Кеген – Нарынқол" автожолының 20-шақырымында еріген суларды өткізу кезінде қолданыстағы су өткізу құбырының зақымдануы және жол төсемінің шайылуы тіркелген. Қазір бұл учаскеде қозғалыс уақытша шектелген. Жақын арада қиыршықтас төсемі бар уақытша айналма жол салу жоспарланып отыр. Су өткізу құбыры мен жол төсемін қалпына келтіру жұмыстары еріген судың өтуі толық аяқталғаннан кейін басталады. __Видео: "ҚазАвтоЖол"__ t.me/kaznurkz
**Жақсылық Омарға қатысты сот үкімі шықты** Өскеменде Шығыс Қазақстан облысы әкімінің бірінші орынбасары Жақсылық Омарға қатысты сот үкімі шықты, деп хабарлайды YK-news.kz. Сот алаяқтық және пара алу бойынша айыпталған шенеунікті кінәлі деп танып, Toyota автокөлігін тәркілей отырып, 6 жылға бас бостандығынан айыру жазасын тағайындаған. Сондай-ақ оған мемлекеттік қызметте, сот органдарында, жергілікті өзін-өзі басқару органдарында және квазимемлекеттік секторда қандай да бір лауазым иеленуге өмір бойына тыйым салынды. Материалды толығырақ [KAZ.NUR.KZ](https://kaz.nur.kz/accidents/crime/2361345-zhaqsylyq-omarga-qatysty-sot-ukim-shyqty/)-тен оқи аласыз. Фото: facebook.com/zhaksylyk.omar [t.me/kaznurkz](http://t.me/kaznurkz)
**КТК-ның "алтын дәуірі": Сағындырған бағдарламалар енді бір жерде!** Есіңізде ме? Сенбінің кешінде бүкіл отбасымызбен "Миллион кімге бұйырады?" көріп, Евгений Жұмановпен бірге логикалық сұрақтарға жауап іздейтінбіз... Немесе Дина Төлепбергеннің "Астарлы ақиқатын" көріп, қоғамдағы ащы шындыққа күйінетін едік. KAZ.NUR.KZ YouTube-тегі "[КТК вне времени](https://www.youtube.com/@ktkvnevremeni/playlists)" арнасынан осыдан 15-20 жыл бұрынғы ең танымал жобалардың мұрағатын тапты. Енді балалық немесе жастық шағымыздың куәсі болған бағдарламаларды қайта тамашалауға болады: 🔍 "Астарлы ақиқат" – қоғамдағы ащы шындық. 💰 "Миллион кімге бұйырады?" – Евгений Жұмановтың қайталанбас сұрақтары. ❤️ "Давай поженимся!" – "махаббат іздеген" жандар. 🎭 "КТК-да Қабатов" – Тұрсынбек Қабатовтың ерекше әзілдері. ⭐️ "Выходной со звездой" – жұлдыздардың 10 жыл бұрынғы өмірі. 🥘 "Бешбармақ шоу" – ұлттық тағамды ең дәмді етіп пісіретін жұлдыздар. 🎥 Мына [сілтеме](https://www.youtube.com/@ktkvnevremeni/playlists) арқылы КТК-ның алтын қорына сүңгіп, естеліктерді жаңғыртыңыз. t.me/kaznurkz
**Алматыда екі күннің ішінде 2 мыңнан астам көлік айыптұраққа қойылды** Алматыда жол-көлік оқиғаларының алдын алу мақсатында өткізілген "Стоп – бұзушылық" жедел-профилактикалық іс-шарасының аралық қорытындылары жарияланды. Іс-шараның алғашқы екі күнінде 4 828 жол қозғалысы ережелерін бұзу дерегі анықталды. - көлік құралын басқару құқығы жоқ азаматтардың көлік жүргізуі – **44 дерек**; - бұрын жүргізуші куәлігінен айырылған тұлғалардың қайтадан көлік руліне отыруы –** 8 факті**; - жалған мемлекеттік тіркеу нөмірлік белгілерін пайдалану – **8 дерек**; - қарсы қозғалыс жолағына шығу – **15 факті** анықталды. Нәтижесінде 2 мыңнан астам автокөлік, оның ішінде шетелдік тіркеудегі көліктер де арнайы айыптұраққа қойылды. t.me/kaznurkz
**Сенат депутаты қазақстандықтарды жасына емес, еңбек өтіліне байланысты зейнетке шығаруды ұсынды** Сенат отырысында депутат Амангелді Нұғманов Қазақстандағы зейнетақы жүйесін жасына емес, еңбек өтіліне қарай өзгертуді ұсынды. "Жасына негізделген зейнетақы моделінен еңбек өтіліне негізделген зейнетақы моделіне біртіндеп көшу мәселесін қарастырған жөн сияқты. Елде әскери қызметкерлер, құқық қорғау органдары қызметкерлері және арнайы мемлекеттік органдар үшін еңбек өтіліне негізделген зейнетақы жүйесі істеп тұр. Азаматтар қажетті еңбек өтілі толғаннан кейін зейнетке шығу уақытын өзі белгілеп, шешімі үшін экономикалық жауапкершілікті өз мойнына алады", - деді депутат жолдаған сауалында. Фото: NUR.KZ/Владимир Третьяков [t.me/kaznurkz](http://t.me/kaznurkz)
⚡️**Қарағанды облысында жоғалған 13 жастағы бала аман-есен табылды** Бұл туралы ІІМ-нің баспасөз қызметі хабарлады. Полиция мәліметінше, оның өмірі мен денсаулығына қауіп төніп тұрған жоқ. t.me/kaznurkz
**Қарағанды облысында із-түзсіз жоғалып кеткен 13 жасар бала іздестіріліп жатыр** ІІМ-нің мәліметінше, Қарағанды облысы Абай қаласында 2012 жылы туған Рыс Бибарыс Бекнұрұлы із-түзсіз жоғалып кеткен. Жасөспірім 1 сәуір күні үйінен шығып, қайта оралмаған. Жеке мәліметтері: Жасы – 13-те. Бойы шамамен 150-155 см, дене бітімі орташа. 7-сынып оқушысы. Үстіне қара күртеше, қызғылт сары футболка, қара шалбар және аяғына жасыл түсті аяқ киім киген. Қазіргі уақытта полиция іздестіру жұмыстарын жүргізіп жатыр. Полиция жасөспірімнің жүрген жері туралы қандай да бір ақпарат болса, 8-707-444-07-74, 8-705-311-78-53 нөмірлеріне немесе "102" арнасына хабарлауды сұрайды. Фото: ІІМ [t.me/kaznurkz](http://t.me/kaznurkz)