АҚШ Айға миссия жіберіп, қуанып жатқан сәтте, Ресей бірден бөгде ғаламшарлықтармен әңгімелесуде. Күтпеген соққы деген осы болса керек. “Ту-ту-ту. Лира өркениетіндегі жетекшілерім байланысқа шығып тұр. Ту-ту-ту…2035 жылы ұлы өзгерістер аяқталады…Ту-ту-ту трырт-сдктрырт-ту-ту…там-там-дтам…байланысып жатырмын, өзгеріс болады” дейді. Телеарнаға келіп, 145 млн халықтың алдында бөгде ғаламшарлықтармен байланыс орнатты. Міне, жетістік! НАСА жер болды!
💥Армения. Ереванда бүгін ресейшіл күштер митингке шықты… “Күшті Армения” партиясы өткізген акцияға Самвел Карапетян деген ресейлік олигарх бейне үндеу жолдап: “Мен Ресейдегі бизнестерімді бала-шағама тапсырып берем де, өзім Армения үшін қызмет етемін”, - деп уәдесін үйіп-төкті. Ол тағы: “Пашинян мен оның командасы Армения мен Ресей арасындағы достық байланыстарға сызат түсірді. Ереванның шетелдегі диаспоралармен байланысын үзді”, - деп айыптап, сайлауда “Күшті Армения” партиясы жеңіске жетсе, осының барлығын қайта қалпына келтіретінін айтты.
Ирландиядағы Шеннон әуежайына белгісіз ер азамат кіріп, әуежайда тұрған АҚШ-тың C-130 Hercules ұшағын балғамен тоқпақтай кеткен. Ол ұшақтың бірнеше бөлігін сырып тастаған. Қазіргі таңда ол полицияның қолына түсті.
Ертең Венгрияда парламент сайлауы өтеді… Қазіргі премьер-министр **Виктор Орбан** билікте 2010 жылдан бері отыр және тағы да билікте қалуға тырысуда. Оның басты қарсыласы — оппозициялық саясаткер Петер Мадьяр. Сарапшылар бұл сайлауды **соңғы 10–15 жылдағы ең маңызды саяси оқиғалардың бірі** деп санайды.
Уганданың қорғаныс министру Кайнеругаба Мухузи “Израильді қорғау үшін 100 мың сарбаз жіберуге дайынмын” дейді. Ал Тегеранды басып алу үшін 500 мың сарбаз аттандыруға дайын екенін айтуда. Угандада 45 млн адам бар…
**БАҚ**: Ливан астанасы Бейрутте жергілікті тұрғындар мен “Хезболла” жақтастары арасында қақтығыс болды. “Хезболла” жақтастары мотоциклдермен шеру жасап, қала тұрғындарына кедергі келтірген. Арты төбелеске ұласты. Қазір Израиль мен Ливан билігі тікелей келіссөз жасауға тырысуда. Келіссөзге тікелей форматта “Хезболла” кірмейді. Ливан билігі “Хезболланы” қарусыздандыру бағдарламасын қабылдаған. Алайда “Хезболла” қаруын тастаудан бас тартуда. Ливан үкіметі Иран елшісін персона нон-грата деп жарияласа да, “Хезболла” Иран елшісін қолдауда.
**Hürriyet:** Түркия прокуратурасы Нетаньяху мен өзге шенеуніктерді ұзақ жылға соттауды сұрауда. 2025 жылдың қазанында Израиль билігі Газаға аттанған «Азаттық флотын» күшпен тоқтатқан еді. Түркия сол әрекет бойынша айып тағуда. Жалпы 35 адамға айып тағылған. Олардың ішінде Израиль премьері Нетаньяху, қорғаныс министрі Кац, Бас штаб басшысы Замир, ұлттық қауіпсіздік министрі Бен-Гвир және басқалар бар. Прокурор оларды 1102 жылдан бастап 4596 жылға дейін соттауды сұрауда. Оларға адамзатқа қарсы қылмыс жасады, қарақшылық, геноцид, біреудің мүлкін тартып алу және басқа айыптар тағылуда. 2025 жылы Ыстамбұл прокуратурасы Нетаньяху мен Израильдің 34 шенеунігін тұтқындау ордерін шығарған еді.
Испанияда Эль-Борго қаласының тұрғындары Нетаньяху кейпінде жасалған қуыршақты отқа жақты. Қуыршақта «геноцид жасаушы қанішер» деп жазылған. Қуыршақтың ішіне 10 келіден астам отшашу салынған. Қала мэрі бұл акцияны жыл сайын өтетін «Ібілісті өртеу» акциясымен ұқсас екенін айтты. Испаниядағы Израиль елшілігі акцияны айыптап, мәлімдеме жасады. Соңғы уақытта Испания мен Израиль арасындағы қатынас суып кетті. Израиль өз аумағындағы испан әскери қызметкерлерін елден шығаруда. Ал Испания үкіметі Нетаньяхуды сотқа беруде.
**IRIB:** Иран келіссөз алдында өзінің негізгі талаптары мен «қызыл сызықтарын» атады. Тегеран Ормуз бұғазын толық бақылауды, АҚШ пен Израильдің репарация төлеуін, бұғаттағы активтерді бұғаттан шығаруды, бұзылмайтын бейбіт келісім жасалуын сұрауда.
**Strana.co.il****:** Сирияның Эс-Сувейда қаласында друздар тағы да бас көтерді. Олар Дамаскпен байланысты үзіп, тәуелсіз ел болуды қалайтынын айтуда. Митингке шығушылар Израильдің де туын көтеріп шыққан.
**Мемлекет басшысы Қасым-Жомарт Тоқаев Өзбекстанға жұмыс сапарымен барды**. Бұхара қаласының әуежайында президентті Өзбекстан Президенті **Шавкат Мирзиёев** қарсы алды. Салтанатты қарсы алу рәсімінде Қазақстан Президентінің құрметіне ұлттық ән мен би орындалды. Бүгін мемлекеттер басшылары бейресми кездесу өткізіп, шаһардағы бірқатар тарихи және өнеркәсіп нысанын аралайды. **Ақпарат: Ақорда арнасынан**
Ресейлік журналист, Кавказ, Сирия, Осетияда әскери тілші болған, 2014 жылдан бері Украинадағы соғысты түсіріп, Ресейдің басқыншылығын насихаттаған, 2022 жылы санкцияға ілікке Дмитрий Стешин былай дейді: “**Майдан даласына 15-20 шақырым жақындау мүмкін емес. Тірі қайта алмайсың. Біз тіпті 10 млн адамды мобилизацияласақ та нәтиже болмайды**”, - депті. Жақын аралықта бұл 20 шақырым kill zone 50-70 шақырымға ұзармақ. Қазірдің өзінде тараптар бір-бірінің логистикасын қиындату 50-80 шақырымдағы нысандарды ұдайы дрондармен ұруда.
Пәкістандағы келіссөздердің қалай өтетіні белгілі болды. Бірінші АҚШ пен Иран делегациясы жеке-жеке Пәкістанның премьерімен кездеседі. Кейін АҚШ делегациясы жеке бөлмеде, Иран делегациясы жеке бөлмеде отырып, талап/ұсыныс алмасады. Пәкістан тарапы екі ортада делдал болады. Егер келіссөздер сәтті өтсе, АҚШ пен Иран тікелей келіссөз форматына көшеді.
🏘️ "**Отбасы банк" екі ипотека бағдарламасына АДБ-дан 90 млрд теңге тартпақ** Қазақстанның "Отбасы банк" Азия даму банкінен (ADB) 90 млрд теңге қарыз алу туралы келісімге қол қойды. Қаржы "Ұмай" және "Жасыл ипотека" бағдарламаларына жұмсалмақ. 🏠 Алғашқы кезеңде 2 мыңнан астам ипотека беру жоспарланған. Бұған дейін "Ұмай" арқылы 3 660 әйел баспаналы болған. 📌 "Ұмай" бағдарламасымен: — дайын және салынып жатқан үй алуға; — нарықтан 2016 жылдан бергі кезеңде салынған баспана алуға; — сатып алу + жөндеуге бір несиемен қаржы алу мүмкіндігі бар. 💸 Негізгі талаптар: — ең жоғарғы несие - 50 млн теңге (25 жылға дейін) — жөндеуге 15 млн теңгеге дейін — депозитте болуы шарт бастапқы жарна: 0–50% 🌱 "Жасыл ипотека" бағдарламасымен: — баспана OMIR "жасыл" сертификатына сай болуға тиіс; — коммуналдық шығынды азайтуға бағытталған. 📊 Барлық қатысушы: — кейінгі 6 айда ресми табысы болуы керек; — үйді кез келген өңірден алуға болады; — бұрыннан баспанасы болуы шектеу емес.
**🇰🇿****🇺🇸****Қасым-Жомарт Тоқаев Дональд Трампты «Артемида-2» миссиясының табысты орындалуымен құттықтады** ✉️Мемлекет басшысы «Артемида-2» миссиясының сәтті аяқталуына орай АҚШ Президентіне құттықтау хатын жолдап, адамзаттың кейінгі жарты ғасырдағы Айға жасаған алғашқы сапары ғарышты игеруде тарихи кезеңге айналғанын атап өтті. Президент АҚШ-тың озық ғылыми жетістіктеріне жоғары баға берді. Бұл дүние жүзіндегі ғалымдардың, инженерлер мен зерттеушілердің жаңа буынын жігерлендіріп, білім көкжиегін кеңейтетінін айтты. Қасым-Жомарт Тоқаев Дональд Трампқа «Артемида» бағдарламасын және ғарыш саласындағы басқа да бастамаларды іске асыруда табыс тіледі. t.me/aqorda_resmi
Иран парламентінің спикері Мохаммад Бакер Галибаф келіссөздер басталғанға дейін екі шарт орындалуы тиіс дейді. Біріншісі Ливандағы ұрыс қимылдары тоқтатылуы шарт десе, екіншісі Иранның бұғаттағы активтерін бұғаттан шығару дейді. Осы екі шарт келіссөз басталғанға дейін іске ассын деп талап қоюда.