АЗАМАТТАРДЫ ҚАБЫЛДАУ: 150-ДЕН АСТАМ ӨТІНІШ ҚАРАЛДЫ 🔷 Шымкент қаласының әкімдігінде кезекті азаматтарды қабылдау өтті. Қабылдау барысында тұрғындар өзекті мәселелерін көтеріп, тиісті мамандардың түсіндіруін тыңдады. Күн бойы қала әкімі, басқарма басшылары және аудан әкімдері 150-ден астам азаматты қабылдады. 🔷 Барлық өтініш мұқият қаралып, әрқайсысы бойынша жан-жақты түсіндірмелер берілді және қолданыстағы заңнамаға сәйкес шешу жолдары ұсынылды. Қажет болған жағдайда азаматтарға алдағы әрекеттері мен уәкілетті органдармен өзара іс-қимыл тәртібі де түсіндірілді. 🔷 Ең жиі көтерілген мәселелер тұрғын үй және жер қатынастары, халықты әлеуметтік қолдау, кәсіпкерлікті дамыту, құрылыс саласы және денсаулық сақтау мәселелеріне қатысты болды. Өтініштердің бір бөлігі қосымша қарау және кейін шешім қабылдау мақсатында жауапты мамандардың жұмыс барысына алынды. 🔷 Айта кету керек, мұндай қабылдауларды өткізу халықпен кері байланысты нығайтуға, мемлекеттік органдар қызметінің ашықтығын арттыруға және азаматтардың сұраныстарына жедел жауап беруге мүмкіндік береді. Шымкент қаласы әкімінің баспасөз қызметі
ШЫМКЕНТТЕ ҚАЛДЫҚТЫ БӨЛЕК ЖИНАУ БОЙЫНША ПИЛОТТЫҚ ЖОБА ІСКЕ ҚОСЫЛУДА 🔷 Шымкент қаласында экологиялық жағдайды жақсарту және қалдықты өңдеу жүйесін дамыту жалғасуда. Осы орайда тұрғындар арасында тұрмыстық қалдықты бөлек жинау мәдениетін қалыптастыруға бағытталған заманауи шешімдер енгізілуде. 🔷 Қала әкімі Ғабит Сыздықбеков жұмыс сапары барысында Отырар шағынауданында жабық типтегі заманауи жерүсті контейнерлік алаң орнату пилоттық жобасының жүзеге асырылуымен танысты. Бұл нысан қатты тұрмыстық қалдықты бөлек жинауға арналған және әртүрлі мақсаттағы контейнерлермен жабдықталған. 🔷 Алаңда аралас қалдыққа арналған бес контейнер және сұрыптап жиналатын фракцияларға арнап тағы үш контейнер орнатылды. Қалдықты дұрыс сұрыптау талаптарының сақталуын қамтамасыз ету үшін арнайы бақылау пункті қарастырылған. Мұнда үдерісті қадағалайтын жауапты қызметкер жұмыс істейтін болады. 🔷 Айта кету керек, жоба жеке инвестициялар есебінен жүзеге асырылуда. Бірінші кезеңде осындай 100-ге жуық контейнерлік алаң орнату жоспарланған. Алдағы уақытта бұл тәжірибе қала бойынша кезең-кезеңімен енгізілетін болады. Бұл өз кезегінде қалдықты бөлек жинау мен қайта өңдеудің жүйелі тәсілін қалыптастыруға мүмкіндік береді. 🔷 Аталған бастама Мемлекет басшысының тапсырмасына сәйкес «Таза Қазақстан» акциясы аясында жүзеге асырылып, тұрғындардың экологиялық мәдениетін арттыруға және қаланың санитарлық жағдайын жақсартуға бағытталған. Шымкент қаласы әкімінің баспасөз қызметі