💥 Келіссөздер не боп жатыр? Иран мен АҚШ арасындағы келіссөздердің кезекті кезеңі бүгін түнде немесе ертең өтуі мүмкін. Қазіргі уақытта екі елдің сарапшылардан құралған топтары өзара жазбаша пікір алмасып жатқанын БАҚ жазуда. Сонымен қатар, **Financial Times** басылымы АҚШ пен Иранның келіссөз жүргізуші топтары Ормуз бұғазына байланысты «тығырыққа тірелгенін» хабарлады. Дереккөздердің айтуынша, Тегеран су жолына бақылауды сақтап қалуды және ол арқылы өткені үшін ақы алуды талап етіп отыр.
🇹🇷 **Түркия прокуратурасы Нетаньяхуды 4 596 жылға бас бостандығынан айыруды талап етті! ** Ыстамбұл прокуратурасы Газа секторына бет алған «Сумуд флотилиясына» жасалған шабуылға қатысты тергеуді аяқтады. Айыптау тарапы сырттай тұтқындалған Израиль премьері Нетаньяху мен тағы 34 жоғары лауазымды израильдік шенеуніктің әрқайсын 1 102 жылдан 4 596 жылға дейін түрмеге қамауды талап етті. Айыпталушылар тізімінде Израиль Қорғаныс министрі Кац, оның ізашары Галант, Ұлттық қауіпсіздік министрі Бен-Гвир және басқа да тұлғалар бар. Басылымның мәліметінше, Израиль шенеуніктеріне адамзатқа қарсы қылмыс, геноцид, бас бостандығынан айыру, қатыгездік көрсету, нұқсан келтіру, тонау және көлік құралдарын тәркілеу бойынша айыптар тағылып отыр.
**АҚШ-тың әскери кемелері Ормуз бұғазын шығыстан батысқа қарай кесіп өтіп, Парсы шығанағына кірген, содан кейін бұғаз арқылы Арабия теңізіне кері қайтқан. Бұл туралы Axios басылымы хабарлайды. Оның айтуынша, «операция халықаралық сулардағы кеме қатынасының еркіндігін қамтамасыз етуге бағытталған».**
**Фуджейра (БАӘ) портынан Ормуз бұғазына қарай бағыт алған американдық эсминец Иранның ескертуінен кейін кері бұрылды. Fars агенттігінің ақпаратына сүйенсек, бұған дейін Иран Қарулы күштері егер кеме қозғалысын жалғастыратын болса, оған соққы жасап, келіссөздерді тоқтататынын айтып сес көрсеткен.**
**Трамп АҚШ-тың Ормуз бұғазын «тазарту» процесін бастайтынын жариялады...** «Қазір біз бүкіл әлем елдеріне, соның ішінде Қытай, Жапония, Оңтүстік Корея, Франция, Германия және басқа да көптеген мемлекеттерге жақсылық жасап, Ормуз бұғазын тазарту процесін бастап жатырмыз. Таңқаларлығы, олардың бұл жұмысты өз бетінше істеуге батылы да, ерік-жігері де жоқ. Дегенмен, көптеген елдердің бос мұнай танкерлері мұнай тиеу үшін АҚШ-қа қарай бет алғаны өте қызық жайт», — деп жазды Трамп.
**Борис Джонсон Запорожье бағытына жасырын келіп, Украинаның міндетті түрде қайтадан еркін ел болатынын мәлімдеді... ** Ұлыбританияның экс-премьер-министрі майдан шебінде екі тәулік болған. Ол Украина Қарулы Күштерінің 65-бригадасының әскерилерімен кездесіп, майдан маңындағы елді мекендерді аралаған және жергілікті тұрғындармен сөйлескен. Кездесулерден алған әсерін ол британдық **Daily Mail** басылымына арналған мақаласында жазады: «Менің Запорожьеге келуімнің себебі — Путин бұл жерді басып алуға барынша тырысып жатыр, бірақ онысынан ештеңе шықпайды», — деп жазды Джонсон. «Майданда өткізген 48 сағаттан кейін мен украиндардың жеңіске жететініне, бір күні олар Путиннің "орктарға" ұқсас әскерінен құтылатынына және бұл керемет бай өлке еркін болатынына бұрынғыдан да бетер сенімдімін», - дейді.
🇰🇿🇺🇿**Шавкат Мирзиёев Қасым-Жомарт Тоқаевқа бірқатар тарихи құжатты тапсырды** ✔️Бұхарадағы бейресми кездесу барысында Өзбекстан Президенті Мемлекет басшысына архив материалдарын табыстады. ✔️Атап айтқанда, Қазақстан тарапына Түркістандағы Қожа Ахмет Ясауи және Рәбия Сұлтан бегім кесенелеріне қатысты 1920-1950 жылдары Өзбекстанда табылған құнды құжаттар, сызбалар және фотосуреттер берілді. ✔️Бұл құжаттардың көбі бүгінге дейін ғылыми айналымға түспеген және тарихи-мәдени құндылығы зор. t.me/aqorda_resmi
**Ирандықтар Ормуз бұғазына өздері орнатқан миналарды таба алмай жатыр... The New York Time**s басылымының жазуынша, өткен айда Иран Ормуз бұғазын бейберекет миналаған, ал жарылғыш құрылғылардың бір бөлігін уақыт өте келе ағыс алып кеткен. Жоғалған миналар Иранға Трамптың талабын, яғни бұғаз арқылы көбірек кемені өткізу туралы шартын тез арада орындауға кедергі келтіріп отыр.
**Reuters: Можтаба Хаменей қос аяғынан айырылған болуы мүмкін... ** Иранның Жоғарғы көшбасшысы Можтаба Хаменей 28 ақпандағы «Арыстанның ақырыуы» операциясының алғашқы соққысынан кейін әлі де қалпына келу үстінде. ** Reuters** агенттігіне сұхбат берген Хаменейнің жақын ортасындағы дереккөздердің мәліметінше, шабуыл салдарынан оның бет-жүзі қатты зақымданып, екі аяғынан айырылған. Дегенмен, Хаменейнің ес-түсі анық екені және жоғары лауазымды тұлғалармен кездесулерге аудиобайланыс арқылы қатысып жатқаны айтылады. Reuters-тің хабарлауынша, бұл — Хаменейнің денсаулық жағдайы туралы ең егжей-тегжейлі мәлімет.
**«Таза Қазақстан» экобастамасы бүгінде жай ғана акция емес. Ол Астана өмірінде жаңа трендке айналды. Бұл қозғалыстың бір бөлігі болу – мәдениеттің белгісі: қалаға құрмет көрсету, табиғатқа жанашырлық таныту және айналаның тазалығына жауапкершілікпен қарау.** #ТазаҚазақстан #экология #TazaChallenge #ТазаҚала @TazaQazaqstan
**АЙДЫ АЙНАЛЫП ЖЕТКЕНДЕР... **Artemis II ай миссиясы Жерге оралды. NASA-ның хабарлауынша, Orion ғарыш кемесі Сан-Диего жағалауына жақын маңда, Тынық мұхитына қонды. Осылайша, америкалық-канадалық астронавттар тобы Айды айналып өтудің тарихи 10 күндік миссиясын аяқтады. Бұл — 1972 жылдан бері адамзаттың алғаш рет Жер маңындағы орбита шегінен тысқары шығуы.
«Болжамды соғысқа» дайындық: Қазақстан қарулану шығындарын күрт көбейтпекші Биыл елдің қорғаныс саласына 3 трлн теңге бөлінеді. Бұл өткен жылмен салыстырғанда 335 млрд теңгеге артық. Қорғаныс министрінің орынбасары Асқар Мұстабеков бөлінген қаржының қайда жұмсалатынын айтты. «Ұшқышсыз ұшу аппараттары тәрізді заманауи, жаңа техника сатып алу жоспарланып отыр. Сондай-ақ қаражат әуе техникасы жаңалауға, әуе шабуылына қарсы қорғаныс техникасын сатып алуға жұмсалады», – деді вице-министр. Үкіметтің жоспары бойынша, биыл қорғанысқа бөлінген шығын ЖІӨ-нің 1%-ы шамасында болуы қажет. 2025 жылы бұл саланың бюджеті 666 млрд теңге немесе ЖІӨ-нің 0,68%-ына тең болды.Депутаттар бұл сома елді «болжамды соғысқа» дайындау үшін жеткіліксіз деп, қосымша қаражат бөлуді ұсынған. Дереккөзі: Ел дауысы
**Эстония Ресеймен соғысқа дайындалуда... **Эстония билігі Ресеймен соғыстың ең қиын сценарийлеріне дайындықты қызу бастап кетіпті. ** Елдің ұлттық қауіпсіздік стратегиясына енгізілген жаңа өзгерістерге сәйкес, Таллин ұрыс жағдайында жан-жақтан қоршауда қалса, соның ішінде әуеден, теңізден және құрлықтан толық оқшауланса, ол жауға кем дегенде 30 күн өз бетінше шыдап беруі тиіс. **Қарапайым халыққа да жаңа талаптар қойылып жатыр. Атап айтқанда: Эстонияның әрбір тұрғыны енді сырттан келетін көмексіз кем дегенде 7 күн өмір сүре алатындай дайын болуы тиіс. Таллин басты қауіп ретінде тікелей Ресейді атап отыр.
**АҚШ-тың вице-президенті Вэнс Иранмен өтетін күрделі келіссөздер үшін Пәкістанға ұшып жетті... ** Бұған дейін Иран делегациясы да Исламабадқа ұшып барған. ** Axios** басылымы бұл Вэнстің мансабындағы ең қиын миссия екенін айтады. Әсіресе оның Зеленскиймен болған даулы сөз таласынан кейін бұл келіссөз Венс үшін әжептәуір сынақ болмақ.
**БАҚ: Иранда әлі мыңдаған баллистикалық зымыран бар! **The Wall Street Journal басылымының жазуынша, Ирандағы зымыран ұшыру қондырғыларының жартысынан астамы зақымдалған немесе жер астына жасырылған, алайда олардың көбін қалпына келтіріп, жөндеуге болады. Қазіргі үзіліс кезінде Тегеран өзінің арсеналын қайта түгендеумен айналысуы мүмкін. Ал Трамп The New York Post басылымына берген сұхбатында: егер Исламабадтағы келіссөздер сәтсіз аяқталса, екі апталық бітім мерзімі біткен бойда АҚШ Иранға «ең қуатты қарумен» соққы беретінін мәлімдеді.
⚡️ **Түнде Украина Каспий теңізіндегі Ресейдің екі бірдей мұнай бұрғылау платформасына шабуыл жасады**… Ресейлік әскери тілшілер бұл шабуылдардың **Starlink** арқылы үйлестірілгенін алға тартуда.
🇺🇦 **Зеленский: Ядролық қарудан бас тартқанымыз стратегиялық қателік болған!** Оның айтуынша, Украина қауіпсіздік кепілдіктері үшін Будапешт меморандумына қол қойды, бірақ іс жүзінде ешқандай кепілдік алған жоқ. Анығы сол кезде НАТО-ға мүшелік немесе нақты «қауіпсіздік қолшатыры» берілуі керек еді. Алайда, Украина сол кезде тек бос уәделер ғана алған. КСРО ыдырағаннан кейін Украина әлемдегі ең ірі ядролық арсеналдардың біріне ие болған еді. Кейін юұл арсенал Будапешт келісімдері арқылы Ресейге берілді. Сол кезде Украина қауіпсіздігіне кепілдік берген Ресей кейін жылдар өте келе Украинаға қарсы соғыс ашты.
🇺🇸🇮🇷 **Трамп: Иранның ешқандай көзірі жоқ! ** «Ирандықтар халықаралық су жолдарын пайдаланып, бүкіл әлемнен қысқа мерзімді ақша бопсалады. Олардың қолдарында бұдан басқа ешқандай көзірлері жоқ екенін түсінбейтін сияқты. Олардың бүгінге дейін аман қалуының жалғыз себебі — келіссөздерге көнуі!» — деп жазды Трамп Truth Social әлеуметтік желісінде. Сондай-ақ, ол ирандықтардың соғыс қимылдарына қарағанда, БАҚ-тағы жалған жаңалықтармен және «қоғаммен байланыс» (PR) жұмыстарымен жақсырақ айналысатынын айтып өтті.
**Иран активтерін бұғаттан шығару және Ливандағы ұрыс қимылдарын тоқтату — келіссөздерді бастаудың алғышарттары, деп мәлімдеді Иран парламентінің төрағасы Галибаф.**